33 წლის თბილისის მოქალაქე, ეთნიკური აზერბაიჯანელი რამინ ისმაილოვი მარნეულის რაიონის აღმასრულებელი ხელმძღვანელის მოადგილედ დაინიშნა.
ახალ თანამდებობაზე დანიშვნამდე ისმაილოვი მარნეულის სარაიონო პოლიციის განყოფილების უფროსის მოადგილის თანამდებობაზე მუშაობდა. მან 1998-2002 წლებში საქართველოს პოლიციის აკადემია დაამთავრა.
ისმაილოვი 2002 წლის სექტემბრიდან 2013 წლის აგვისტომდე საქართველოს შინაგან საქმეთა ორგანოებში განყოფილების უფროსის მოადგილედ და განყოფილების უფროსის თანამდებობებზე მუშაობდა. დაოჯახებულია, ერთი შვილი ჰყავს.