7 აგვისტოს 18:00-ის ინფორმაციით, პრეზიდენტობის 5 კანდიდატმა საარჩევნო საბუთები ცენტრალურ საარჩევნო კომისიას წარუდგინა.
ამის შესახებ ცესკოს პრესსამსახურის თავმჯდომარემ აზერ სარიევმა განაცხადა.
სარიევმა აღნიშნა, რომ ესენი ახალი აზერბაიჯანის პარტიიდან (ააპ) პარტიის თავმჯდომარე, აზერბაიჯანის პრეზიდენტი ილჰამ ალიევი, თავისუფალი პარტიიდან პარტიის თავმჯდომარე ახმედ ორუჯი, სამოქალაქო და განვითარების პარტიიდან პარტიის თავმჯდომარე ალი ალიევი, აზერბაიჯანის ლიბერალური დემოკრატიული პარტიიდან პარტიის თავმჯდომარე ფუად ალიევი და თავისი ინიციატივით კანდიდატურის წარმდგენელი ილგარ მამედოვია.
შეგახსენებთ, რომ აზერბაიჯანის რესპუბლიკის პრეზიდენტობის კანდიდატების წამოყენების პროცესს სტარტი მიეცა.
საარჩევნო კოდექსის მიხედვით, პრეზიდენტობის კანდიდატების წამოყენება აქტიური (პასიური) საარჩევნო უფლებების მქონე მოქალაქეებს, ამომრჩევლების საინიციატივო ჯგუფებს, პოლიტიკურ პარტიებს, პოლიტიკური პარტიების ბლოკებს შეუძლიათ.
ცესკომ საპრეზიდენტო არჩევნების 9 ოქტომბერს ჩატარების გადაწყვეტილება მიიღო.
ბოლო საპრეზიდენტო არჩევნები 2008 წლის 15 ოქტომბერს ჩატარდა. აზერბაიჯანში საპრეზიდენტო არჩევნები ხუთ წელიწადში ერთხელ ტარდება.