საქართველოს პრეზიდენტობის კანდიდატი, საქართველოს პარლამენტის ყოფილი თავმჯდომარე ნინო ბურჯანაძე აზერბაიჯანელების კომპაქტურად დასახლებულ ქვემო ქართლი-ბორჩალის რეგიონის გარდაბნის რაიონის ერთ-ერთი უდიდესი დასახლების სოფელ ქოსალის ადგილობრივ მოსახლეობას შეხვდა.
ბურჯანაძემ სოფლის აზერბაიჯანელ მოსახლეობას წმინდა რამაზანის დღესასწაული მიულოცა.
შეხვედრაზე სოფელში არსებული პრობლემების თაობაზე საპრეზიდენტო კანდიდატს ესაუბრნენ. მოსახლეობამ საკარმიდამო მეურნეობის პროდუქტების თბილისის ბაზრებზე გაყვანის შესაძლებლობის არქონა, სოფლის კუთვნილი მიწების სხვა პირებისთვის გადაცემა, საძოვრების არქონა, სამუშაო ადგილების უკმარისობა და სხვა პრობლემები აღნიშნეს.