რუსეთის პრემიერ-მინისტრმა დმიტრი მედვედევმა, რუსეთ-საქართველოს ომის მეხუთე წლისთავთან დაკავშირებით ინტერვიუში საქართველოს პრეზიდენტის მიხეილ სააკაშვილის პოლიტიკური პოზიცია მკაცრად გააკრიტიკა.
რუსეთის ტელეკომპანია "Russia Today"-ისთვის მიცემულ ინტერვიუში მინისტრმა განაცხადა, რომ როდესაც სააკაშვილი პოლიტიკური არენიდან გადავა, რუსეთი-საქართველოს შორის ურთიერთობები ჩვეულ რეჟიმში ჩადგება.
მედვედევმა 2008 წელს მომხდარი კონფლიქტსა და რუსეთი-საქართველოს ამჟამინდელ ურთიერთობებზე საუბრისას ამ ომის დაწყება სააკაშვილს დააბრალა.
"ეს ომი სააკაშვილის არასწორი პოლიტიკის შედეგად მოხდა. ამიტომაც ის ის ფიგურაა, რომელსაც ხელს არ ჩამოვართმევ". მედვედევმა აგრეთვე განაცხადა, რომ სამხედრო ჩარევის გადაწყვეტილება მისთვისაც ძალიან რთული იყო. მან განაცხადა, რომ 2008 წელს იმ დროინდელ პრემიერ-მინისტრთან ვლადიმერ პუტინთან ამ შემთხვევასთან დაკავშირებით წინასწარ განიხილეს და მათ შორის აზრთა სხვაობა არ ყოფილა.
რუსეთის პრემიერ-მინისტრმა განაცხადა, რომ საქართველომ აფხაზეთისა და სამხრეთ ოსეთის ფედერაციის ან კონფედერაციის სახით შეერთების შანსი დაკარგა. მან ასევე ყურადღება იმაზე გაამახვილა, რომ სააკაშვილის შემდეგ საქართველომ, შესაძლოა, ეს რეგიონები შეიერთოს: "საქართველომ ახლა უნდა განსაზღვროს, თუ როგორ უფლებამოსილებას მისცემს აფხაზეთისა და სამხრეთ ოსეთის მთავრობების ხელმძღვანელებს და ამ ხალხთან როგორ იცხოვრებს. ჩვენ არ გვაინტერესებს, როგორ განავითარებენ ურთიერთობებს და ჩვენ ამ პოლიტიკაში არ ჩავერევით. ჩვენ მხოლოდ რუსეთის ეროვნული ინტერესების დაცვას გავაგრძელებთ".