თბილისის საქალაქო სასამართლომ საქართველოს ყოფილი თავდაცვის მინისტრი ბაჩო ახალაია და შეიარაღებული ძალების გენერალური შტაბის ყოფილი უფროსი გიგი კალანდაძე გაამართლა.
ბრალდებულები ბიზნესმენის ზვიად აბუსერიძის თავისუფლების უკანონოდ აღკვეთაში, თანამდებობის ბოროტად გამოყენების მუხლებით უდანაშაულოდ სცნეს. თუმცა სასამართლომ 2006 წელს თბილისის ციხეში ამბოხის ორგანიზების და თავდაცვის სამინისტროს შვიდი სპეციალური დანიშნულების წამების ბრალდება ჯერჯერობით ძალაში დატოვა.
ამჟამად ახალაია და კალანდაძე დროებით პატიმრობაში იმყოფებიან. ორივე აცხადებს, რომ ბრალდებები პოლიტიკურად არის მოტივირებული.