"ეროვნულ საბჭოში გაერთიანებული ოპოზიციის პრეზიდენტობის კანდიდატის ჯამილ ჰასანლის დღევანდელი მიტინგი წინა მიტინგზე სამარცხვინო იყო".
ეს ახალი აზერბაიჯანის პარტიის (ააპ) აღმასრულებელი მდივნის მოადგილემ, დეპუტატმა სიავუშ ნოვრუზოვმა მიტინგის კომენტირებისას განაცხადა.
ნოვრუზოვმა აღნიშნა, რომ მიტინგი წარუმატებლად ჩატარდა: "შეიძლება ითქვას, რომ წინა მიტინგზე ორჯერ ნაკლები ხალხი იყო შეკრებილი. გარდა ამისა, მიტინგი ჩამქრალი იყო. ისა გამბარის გამოსვლისას კი ხალხის ნაწილმა მოედანი დატოვა. ამავდროულად, ეროვნულ საბჭოში მყოფების ერთმანეთის მიმართ განწყობა, სიძულვილი აქაც გამოჩნდა. მოკლედ, შეიძლება ითქვას, რომ მომდევნო მიტინგზე არავინ არ მოვა. ერთი-ორი მოხალისე ახალგაზრდის გარდა ვერავის ნახავთ. როგორ ამოიწურა სოციალური ბაზები! მიტინგზე იმდენი ორგანიზაცია დაასახელეს, რომ ამ ორგანიზაციების რაოდენობა იქ შეკრებილებზე მეტი იყო. დასახელებული ორგანიზაციებიდან თითო ადამიანი რომ მოსულიყო, 1000-1500 ადამიანი იქნებოდა შეკრებილი, თუმცა ისიც არ იყო".