NDI-ს სოციოლოგიური კვლევის შედეგები მიუთითებენ, რომ საქართველოში გაიზარდა იმ ადამიანთა რაოდენობა, ვისთვისაც ქვეყანაში ძლიერი ოპოზიციური პარტიის არსებობა მნიშვნელოვანია. გამოკითხულთა 81%-ს აზრით, ძლიერი ოპოზიცია მნიშვნელოვანი, ან ძალიან მნიშვნელოვანია.

რაც შეეხება მოსახლეობაში ოპოზიციური პარტიების აღქმას, გამოკითხულთა 42% ყველაზე ძლიერ ოპოზიციურ პარტიად ”ნაციონალურ მოძრაობას” მიიჩნევს, რაც ივნისის მაჩვენებელზე 6%-ით ნაკლებია. 4%-დან 8%-მდე გაიზარდა იმ ადამიანთა რაოდენობა, რომლებიც ”დემოკრატიული მოძრაობა - ერთიან საქართველოს” ყველაზე ძლიერ ოპოზიციურ პარტიად ასახელებენ. გამოკითხულთა 5%-ის აზრით, ყველაზე ძლიერი ოპოზიციური პარტია ”ქართული ოცნებაა,” ეს მონაცემები ივნისის შემდეგ არ შეცვლილა. 5%  ყველაზე  ძლიერ ოპოზიციურ პარტიად ”ლეიბორისტებს” მიიჩნევს.