თურქეთის ქილისის პროვინციის საჯარო საავადმყოფოში ქიმიური მზადყოფნა გამოცხადდა.
ამის მიზეზი ექიმების სირიიდან ჩამოყვანილი და საავადმყოფოში განთავსებული ერთ-ერთი პაციენტის მდგომარეობაში ეჭვი გახდა. ექიმებმა დაუყოვნებლივ საავადმყოფოში ქიმიური, ბიოლოგიური, რადიოლოგიური და ბირთვული სპეციალისტები გამოიძახეს და საჭირო ზომების მიღება უზრუნველყვეს.
ქილისის სახელმწიფო საავადმყოფოს სასწრაფო სამედიცინო დახმარების განყოფილების ავადმყოფებს შენობა დაატოვებინეს, პაციენტების მიღება შეაჩერეს. სპეცტანსაცმელში მოწყობილმა სპეციალისტებმა საავადმყოფოს და სირიელ დაჭრილს ტექნოლოგიური მოწყობილობებით ნიმუშები აიღეს.
45-წუთიანი დაძაბულობის შემდეგ ცნობილი გახდა, რომ არანაირი ქიმიური იარაღის კვალი არ არსებობს.