რუსული ენა საქართველოში ბრუნდება

საქართველოს განათლებისა და მეცნიერების მინისტრ გიორგი მარგველაშვილს რუსული ენის სკოლის პროგრამაში ისევ ჩართვა სურს.

მინისტრს არ უთქვამს თუ როდის მოხდება ცვლილებების შეტანა და არის თუ არა საჭირო ამისთვის კონსტიტუციაში ცვლილებების შეტანა.

„რუსული ენა არამხოლოდ სხვა ქვეყნების - სომხეთის, აზერბაიჯანის, რუსეთის, უკრაინის, ასევე დსთ-ს სხვა ქვეყნების მოქალაქეებთან, არამედ ქვეყნის შიგნითაც საჭიროა საკომუნიკაციოდ. ენა ხომ საკომუნიკაციო საშუალებაა, და არა პოლიტიკის იარაღი“, - განაცხადა მარგველაშვილმა.

აღსანიშნავია, რომ საქართველოში რუსული საბავშვო ბაღები და სკოლები 2008 წელს რუსეთ-საქართველოს ომის შემდეგ დაიხურა.

კონფლიქტთან დაკავშირებით, რუსეთმა ქართულ პროდუქტს ემბარგო დაადო, საქართველომ კი რუსული ენა სკოლის პროგრამებიდან ამოიღო.

ამჟამად საქართველოში საშუალო სკოლების პირველ კლასებში პირველ უცხო ენად ინგლისური ისწავლება. მეორე უცხო ენა კი პროგრამაში მე-6 კლასიდან ისწავლება. ეს წესები 2008 წლიდან გამოიყენება.