"აშშ-მა სირიის რეჟიმის წინააღმდეგ სამხედრო ოპერაცია უნდა ჩაატაროს"
ვაშინგტონი გაეროს უშიშროების საბჭოს თანხმობის გარეშე სირიაში იერიშისთვის მზადაა.
ეს დღეს აშშ-ის პრეზიდენტმა ბარაკ ობამამ განაცხადა.
"ჩვენ გაეროს უშიშროების საბჭოს თანხმობის გარეშეც, რომელიც სრულიად პარალიზებულია და ასადის პასუხისმგებლობა არ სურს, შეგვიძლია ნაბიჯების გადადგმა", - განაცხადა ობამამ.
ბარაკ ობამამ განაცხადა, რომ აშშ-მა სირიის წინააღმდეგ სამხედრო ოპერაცია უნდა ჩაატაროს. "საკითხის ყურადღებით შესწავლის შემდეგ გადავწყვიტე, რომ აშშ-მა სირიის რეჟიმის წინააღმდეგ სამხედრო ოპერაცია უნდა ჩაატაროს", - განაცხადა ობამამ.
მისი თქმით ბაშარ ასადი რეჟიმი დამასკოში ქიმიური იარაღის გამოყენებისთვის პასუხისმგებელია.
ბარაკ ობამამ აგრეთვე აღნიშნა, რომ მას სურს, სირიაში სამხედრო ოპერაციის ჩასატარებლად კონგრესის თანხმობა მიიღოს.