"სირიის საკითხის მოსაგვარებლად გაეროს უშიშროების საბჭოს ყველა წევრის თანხმობა არ მოითხოვება".
ეს ბრიტანეთის საგარეო საქმეთა მინისტრმა უილიამ ჰეიგმა განაცხადა.
დიდი ბრიტანეთის საზღვაო ძალები უკვე საბრძოლო მომზადების მდგომარეობაში იმყოფება.
გაზეთ "ტელეგრაფის" თანახმად, აშშ-ის შემდეგ ლონდონმაც სირიაში შესაძლო ჩარევისთვის მომზადება გააძლიერა. ჰეიდმა განაცხადა, რომ XXI საუკუნეში ვინმეს ქიმიური იარაღის გამოყენებით ადამიანების ხოცვა და დაუსჯელად დარჩენა შეუძლებელია.
აშშ-ის და ინგლისის მოძრაობაში საფრანგეთმა და თურქეთმაც განაცხადეს, რომ მზადაა, ჩაერიოს. ანკარამ ისიც აღნიშნა, რომ რადგან გაეროს სანქცია არ არის, იგი ბაშარ ასადის წინააღმდეგ ნებისმიერ კოალიციას ჩაერთვება.
თავის მხრივ "Daily Mail"-მაც განაცხადა, რომ გამორიცხული არაა, სირიის წინააღმდეგ ოპერაციები უახლოეს 48 საათში დაიწყოს. ეს ჩარევა მოკლევადიანი, მაგრამ რაც შეიძლება შემზარავი და ძლიერი იქნება.
ბოლო ინფორმაციით, აშშ-ის პრეზიდენტი ბარაკ ობამა და ბრიტანეთის პრემიერ-მინისტრი დევიდ კამერონი სირიის წინააღმდეგ აქტიური მოქმედების მნიშვნელობაში უფრო მეტი ქვეყნის დაჯერებას ცდილობენ.
მოვლენების ასეთი განვითარებით კი რუსეთი ძალიან შეშფოთებულია. დღეს საგარეო საქმეთა მინისტრი სერგეი ლავროვი მოსკოვში სირიის მოვლენებზე სასწრაფო პრესკონფერენციას ჩაატარებს.