ბეირუთის სამხრეთით მდებარე დაჰიეს რაიონში საავტომობილო აფეთქების შედეგად დაღუპულთა რაოდენობამ 27-ს მიაღწია, 336 ადამიანი კი დაშავდა. შესაბამისი განცხადებით ლიბანის ჯანდაცვის სამინისტრო გამოვიდა.
აქამდე ცნობილი იყო, რომ 22 ადამიანი დაიღუპა და 325 ადამიანი დაშავებული იყო. მჭიდროდ დასახლებულ რაიონში მომხდარი აფეთქება ტერორისტ-კამიკაძემ ჩაიდინა. ავტომობილი რაიონის ცენტრალურ ქუჩაზე, მაღაზიების და საცხოვრებელი შენობების მახლობლად ააფეთქეს.
აფეთქებამ ახლომდებარე შენობებს სერიოზული ზიანი მიაყენა, შემთხვევის ადგილას ძლიერი ხანძარი მოხდა.
აფეთქების პასუხისმგებლობა საკუთარ თავზე აქამდე უცნობმა "აიშას ბრიგადამ" აიღო. ტერორისტებმა გავრცელებულ ვიდეოში განაცხადეს, რომ ტერორისტული აქტი სირიაში მთავრობის ძალების მხარეს მებრძოლ მოძრაობა "ჰიზბულაჰ"-ის მისამართით გამაფრთხილებელი შეტყობინებაა.