ეგვიპტეში ალ ფათ მეჩეთი, სადაც გუშინდელი მიტინგის დროს დემონსტრანტები უსაფრთხოების ძალებს გაექცნენ და თავშესაფარი მოიწყვეს, ალყაშიმორტყმულია.
მეჩეთში დარჩენილთა შორის 2 თურქი ჟურნალისტი TRT-ის კაიროს კორესპონდენტი მათინ თურანი და ანადოლუ სააგენტოს კორესპონდენტი გრანტ ზაქარიაც არიან.
ცნობილია, რომ პოლიციისა და დემონსტრანტებს შორის მეჩეთში დაპირისპირება მოხდა. ეგვიპტეს ერთ-ერთ ტელეარხზე კი განაცხადეს, რომ ერთმა ადამიანმა მეჩეთის მინარეთიდან ცეცხლი გახსნა.
დაპირისპირება მუსლიმთა საძმოსა და პოლიციას შორის მოხდა. მაგრამ უცნობია, რომელ დაჯგუფებას მიეკუთვნებიან შეიარაღებული პირები.
ანადოლუს სააგენტოს ინფორმაციით კი მეჩეთს ცეცხლი გარედან გაუხსნეს.
მეჩეთის მახლობლად ვერტმფრენები დაფრინავენ. შიგნით მყოფებთან დაკავშირება შეუძლებელია. მეჩეთიდან გამოსულებს კი დანაშაულებრივი ჯგუფი ესხმევა თავს.