ევროპის ადამიანთა უფლებების სასამართლომ აზერბაიჯანის ოფიცრის რამილ საფაროვის შეწყალებასთან დაკავშირებით სომეხი მხარის საჩივარი არ მიიღო. ამის შესახებ ინფორმაცია ადვოკატმა ნაზელი ვარდანიანმა გაავრცელა.
ადვოკატის თქმით, საჩივრის მიღება დიდი პროცესია და ერთ წლამდე შეიძლება გაგრძელდეს. ერთ-ერთმა მოსარჩელემ აიკ მანუკიანმა კი განაცხადა, რომ მას უჭირს იმის თქმა, ევროპის სასამართლომ პოლიტიკურ გადაწყვეთილებას მიიღებს თუ სამართლიანს.
აღსანიშნავია, რომ სომხეთის მხარემ რამილ საფაროვთან დაკავშირებით სარჩელი ევროპის სასამართლოს ამა წლის თებერვალში წარუდგინა. სარჩელის მომზადებაში სომხეთთან ერთად რამდენიმე უცხო ქვეყნის ექსპერტებიც მონაწილეობდნენ.
ადვოკატმა ნაზელი ვარდანიანმა კი სომხური მხარის უფლებები ბუდაპეშტში დაიცვა.