უზბეკეთის პრეზიდენტის ისლამ ქარიმოვის ქალიშვილმა, სკანდალურმა გულნარა ქარიმოვამ სეირნობის დროს გზაზე 200 დოლარი იპოვა.
ამის შესახებ პრეზიდენტის ქალიშვილმა სოციალურ ქსელში საკუთარ გვერდზე დაწერა. მისი თქმით, მან ფული ტაშკენტის უბრალო ქუჩაზე იპოვა. პრეზიდენტის ქალიშვილმა განაცხადა, რომ ფულს მეპატრონეს დაუბრუნებს, თუ ის მას ქუჩის სახელს ეტყვის. შემდეგ კი მან ნაპოვნი ფულის ფოტოები გაავრცელა. ამდენად, მას სურს იმ ადამიანს დაეხმაროს, რომელმაც ფული დაკარგა.
ვებ-გვერდმა "Uzmetronom" დააკომენტარა, რომ ეს ამბავი იმას ნიშნავს, რომ ქვეყანაში სოციალური მდგომარეობა კარგია. საიტის თქმით, უზბეკეთში მდგომარეობა იმდენად კარგია, რომ ხალხი უბრალო ქუჩაზე 200 დოლარს კარგავენ და მას არ ეძებენ. აღსანიშნავია, რომ უზბეკეთში საშუალო ხელფასი 200 დოლარია.