აზერბაიჯანის არმიის მიერ კონტროლირებად ტერიტორიაზე გადასვლისას დატყვევებული სომეხი სამხედროს აკოპ ინჯიგულიანის ახლობლები პრეზიდენტ სერჟ სარკისიანს მიმართეს. მათ პრეზიდენტს სთხოვეს, რომ დატყვევებული ჯარისკაცის დაბრუნებისთვის რუსეთის პრეზიდენტს სთხოვოს დახმარება. ინჯიგულიანის ახლობლების აზრით, ვლადიმირ პუტინის ბაქოში ვიზიტით სარგებლობა ამ მიზნითაც შეიძლება: "რუსეთის პრეზიდენტი ვლადიმერ პუტინი ბაქოში ჩადის. თქვენ გთხოვთ, რომ სიტუაცია გამოიყენოთ და მასთან კონტაქტი იქონიოთ, რათა ჩვენი შვილისთვის შუამავალი იყოს".