რუსეთში პირველმა ტაჯიკურმა ტელეარხმა "საფომ" მაუწყებლობა დაიწყო. ამის შესახებ ინტერფაქსს ახალი არხის რუსული განყოფილების რედაქტორმა ტიმურ ვარკიმ განაცხადა. ტელეარხს ტაჯიკეთიდან რუსეთში ჩამოსული შრომის მიგრანტებისთვის და ამ ქვეყანაში მცხოვრები ეთნიკური ტაჯიკებისთვის პოპულარობა სურს.
"ამჟამად რუსეთში ბევრი ტაჯიკელი ცხოვრობს. ტაჯიკების მიგრაცია უკვე მხოლოდ ტაჯიკეთის პრობლემა არაა. სამწუხაროდ, ტაჯიკეთის მთავრობა მას ხელს ვერ უშლის და მათი დახმარება არ შეუძლია", - განაცხადა ვარკიმ.
მისი თქმით, 24-საათიანი მაუწყებლობის მქონე "საფო" ტაჯიკეთის გარდა, ცენტრალური აზიის სხვა რესპუბლიკების, აგრეთვე ირანის და ავღანეთის მოსახლეობის ცხოვრებაზე ისაუბრებს.