Türkiyənin Nazirlər Kabinetinin hazırda baş nazir Binəli Yıldırımın rəhbərliyi ilə Çankaya köşkündə toplantısı keçirilir.

“Dalga tv” “Milliyet”ə istinadən xəbər verir ki, toplantıda Türkiyə ilə Hollandiya arasında yaranmış siyasi qalmaqal, eləcə də aprelin 16-da ölkədə keçiriləcək referendum müzakirə olunacaq.

Baş nazirin müavini Numan Kurtulmuş Nazirlər Kabinetinin yığıncağından sonra Hollandiya ilə bağlı verilmiş kritik qərarları açıqlayıb.

“Posta” qəzetinin xəbərinə görə, toplantıda qərar verilib ki, Hollandiya tərəfi vəziyyəti düzəldənə qədər bu ölkə ilə yüksək səviyyəli rəsmi görüşlər təxirə salınsın.

“Bundan sonra Türkiyə diplomatik uçuşlara icazə verməyəcək. Hollandiyanın Türkiyədəki səfirinin ölkəyə buraxılmamasına qərar verilib”, - deyə N. Kurtulmuş bildirib.