დღეს პარიზში ეიფელის კოშკში ბომბის დამონტაჟების ამბავი გავრცელდა. პოლიციაში ამის შესახებ ინფორმაციის შესვლის შემდეგ ევაკუაციის ბრძანება გაიცა. შედეგად, კოშკზე მყოფი ტურისტები იქაურობას მოაშორეს.
ევაკუაციის პროცესი ადგილობრივი დროით 14:00-ის შემდეგ დაიწყო. ორი საათის განმავლობაში ეიფელის კოშკზე შესვლა აკრძალული იყო.
აღსანიშნავია, რომ სპეციალისტებმა კოშკზე ბომბი ვერ იპოვეს. ამის შემდეგ ეიფელის კოშკის კარები ისევ გაიღო.