თურქეთის შირნაკის პროვინციის სილოპის რაიონში უცნობმა პირებმა პოლიციის განყოფილებას ბომბი ესროლეს. ამის შესახებ პარასკევს ტელეარხმა "CNN TURK" აცნობა.
ინფორმაციის მიხედვით, აფეთქების შედეგად შირნაკის პოლიციის ანტიტერორისტული განყოფილების უფროსი აშირ ილდიზი დაშავდა.
ილდიზის, რომელიც საავადმყოფოში გადაიყვანეს, მდგომარეობა სტაბილურია. ვინ ესროლა ბომბი განყოფილებას ჯერჯერობით უცნობია. ფაქტთან დაკავშირებით გამოძიება მიმდინარეობს.