ეგვიპტის დედაქალაქ კაიროში მოჰამედ მურსის მხარდამჭერებს უცნობი პირების მიერ გახსნილი ცეცხლის შედეგად მინიმუმ 1 ადამიანი დაიღუპა, 20 კი დაშავდა.
შემთხვევა გიზას რეგიონში ალ-ნაჰდას მოედანზე მურსის მხარდამჭერების ჯდომითი აქციის გამართვის დროს მოხდა. დაშავებულები რაბია ალ-ადავიას მოედანზე გადაიყვანეს და იქ გაკეთებულ სამედიცინო პუნქტში იმკურნალეს.
მურსის მხარდამჭერები აცხადებენ, რომ თავდასხმა პოლიციის მიერ იყო ორგანიზებული.