ცნობილმა ამერიკელმა რეპერმა და კომპოზიტორმა კანიე უესტმა აშშ-ის ქალაქ ლოს-ანჯელესში საერთაშორისო აეროპორტში რეპორტიორი სასტიკად სცემა.
როდესაც რეპორტიორმა რეპერისთვის სურათის გადაღება დააპირა, უესტი მას თავს დაესხა.
შემთხვევა მაშინ მოხდა, როცა კანიე უესტი აეროპორტის შენობიდან გამოვიდა და ჟურნალისტებისა და პაპარაცების გარემოცვაში აღმოჩნდა.
მიუხედავად იმისა, რომ რეპერმა მათ სთხოვა, არ გადაეღოთ, რამდენიმე ჟურნალისტი გადაღებებს აგრძელებდა.
ერთ-ერთი ჟურნალისტის შეკითხვა რეპერს არ მოეწონა. უესტმა ჟურნალისტი ჯერ მუშტით სცემა, შემდეგ კი ძირს დააგდო და წიხლით გააგრძელა.
შემთხვევიდან რამდენიმე წუთის შემდეგ ინციდენტის ვიდეო ინტერნეტში გავრცელდა.
მეილ ონლაინის ცნობით, ნაცემი ჟურნალისტი საავადმყოფოში მიიყვანეს.
ექიმების თქმით, მის ჯანმრთელობას საფრთხე არ ემუქრება.