შვედეთის მთავრობამ მარტინ ჰაგსტრომი "აღმოსავლეთ პარტნიორობის" პროგრამის ელჩად დანიშნა.
მისი ფუნქცია ევროკავშირსა და აღმოსავლეთ ევროპაში პარტნიორ ქვეყნებთან "აღმოსავლეთ პარტნიორობის" საქმიანობის გაფართოებაა.
მარტინ ჰაგსტრომი ამჟამად შვედეთის საგარეო საქმეთა სამინისტროს აღმოსავლეთ ევროპის და შუა აზიის დეპარტამენტში აღმოსავლეთ ევროპის ჯგუფის ხელმძღვანელის თანამდებობაზე მუშაობს.
ჰაგსტრომი ახალ თანამდებობაზე მუშაობას ივლისში დაიწყებს.
"აღმოსავლეთ პარტნიორობა" ევროკავშირისა და პოსტსაბჭოთა სივრცის ექვს ქვეყანას - აზერბაიჯანს, სომხეთს, საქართველოს, მოლდოვას, უკრაინისა და ბელარუსის პოლიტიკურ და ეკონომიკური დაახლოებისკენ არის მიმართული. პროგრამა ევროკავშირის წევრობას არ გულისხმობს. აქ შედის სავიზო რეჟიმის გამარტივება, ენერგეტიკის სფეროში თანამშრომლობა, თავისუფალი ვაჭრობის ზონის განხორციელება.