"ევროკავშირი შემდგომშიც მზადაა, მთიანი ყარაბაღის კონფლიქტის მოგვარებაში დაეხმაროს".
ეს სომხეთში ვიზიტის დროს ევროკავშირის გაფართოებისა და მეზობლური პოლიტიკის კომისარმა შტეფან ფულემ განაცხადა.
კომისარმა აღნიშნა, რომ ეს საკითხი ძალიან მგრძნობიარეა და მიუხედავად ამისა, არც ერევანში, არც ბაქოში ამ საკითხთან დაკავშირებით ჩუმად ყოფნა არ შეიძლება. ფულემ სომხეთს აზერბაიჯანთან მადრიდის პრინციპების საფუძველზე შეთანხმების მისაღწევად ძალისხმევის გაზრდისკენ მიუწოდა: "ევროკავშირი კი, თავის მხრივ, კონფლიქტის მოგვარებისთვის და სიმშვიდის დამყარებისთვის სამუშაოების გაგრძელებისთვის მზადაა".