მოსკოვის მეტროში ხანძარი მოხდა.
შემთხვევა 27 ივნისს საღამოს საათებში "პოლეჟაევსკაია" და "ოქტიაბრსკოე პოლე" სადგურებში მოხდა.
ერთ-ერთი მატარებლის მძღოლმა ცეცხლი ცეცხლსაწინააღმდეგო მტვერით თვითონ ჩააქრო.
მგზავრები მეტროდან არ გამოსულან, მოძრაობა 5 წუთით შეფერხდა.
ივნისში ეს მოსკოვის მეტროპოლიტენში პირველი შემთხვევა არ არის. ამა თვის 19 რიცხვში "სერპუხოვსკო-ტიმირიაზევსკის" ხაზზე ხანძრის შედეგად მოძრაობა 20 წუთით შეჩერდა. მსგავსი შემთხვევა 11-სა და 5-ში "სოკოლნიჩესკის" ხაზზე "ბიბლიოტეკა იმენი ლენინას" და "ოხოტნი რიადის" სადგურებში კაბელის დაწვის შედეგად მოხდა.