საქართველოს დედაქალაქში ახალი მეტროსადგური აშენდება. ამის შესახებ ჟურნალისტებს საქართველოს რეგიონული განვითარების და ინფრასტრუქტურის მინისტრმა დავით ნარმანიამ განუცხადა. მან აღნიშნა, რომ ახალ სადგურს "უნივერსიტეტი" ერქმევა: "მალე მშენებლობასთან დაკავშირებით ტენდერი იქნება გამოცხადებული. ამჟამად ექსპერტები პროექტის ტექნიკურ მხარეებს სწავლობენ. პროექტს აზიის განვითარების ბანკი დააფინანსებს".