ბაქოს იასამალის რაიონის ტერიტორიაზე უჩვეულო ქურდობა მოხდა.
რაიონის პოლიციის ინფორმაციით, 5 აგვისტოს ჯავადხანის ქუჩაზე მცხოვრები რამიზ მამედოვის კუთვნილი ობიექტები გაძარცვეს.
მისი მიკაილ მუშვიგის ქუჩაზე მდებარე საოფისო აღჭურვილობის მაღაზია "ატრიბუტიდან" აზერბაიჯანის დროშები და 700 მანათი წაიღეს.
ქურდებმა ამავე ობიექტის პირველ სართულზე მდებარე სილამაზის სალონი "აიდაც" გაძარცვეს. სალონში შესულმა ქურდებმა 250 მანათი და 4 აპარატი წაიღეს.
ქურდები ოფისში რკინის გისოსების კლიტის გატეხვით შევიდნენ.
ფაქტთან დაკავშირებით სისხლის სამართლის კოდექსის 177-ე მუხლით (ქურდობა) სისხლის სამართლის საქმე აღიძრა.