ავტოსაგზაო შემთხვევა აბშერონში: დედა და ქალიშვილი გარდაიცვალნენ
აზერბაიჯანში მომხდარ საგზაო შემთხვევაში დედა და ქალიშვილი გარდაიცვალნენ.
აბშერონის რაიონის პოლიციის განყოფილების ინფორმაციით, 14 ივლისს აბშერონის რაიონის ტერიტორიაზე ზამიგ თაღიევის "ოპელის" მარკის და არზუმან ბაქიროვის "ნისან-ტიდას" მარკის ავტომანქანები დაეჯახნენ ერთმანეთს.
დაჯახების შედეგად არზუმან ბაქიროვის მეუღლე ქიმაია და ქალიშვილი გულაია მძიმედ დაშავდნენ. მიუხედავად იმისა, რომ დაშავებულები საავადმყოფოში მიიყვანეს, მათი სიცოცხლის შენარჩუნება ვერ მოხერხდა. ორივე მათგანი გუშინ საავადმყოფოში გარდაიცვალა.