საქართველოში გლოვის დღე გამოცხადდა
საქართველოს პრეზიდენტის გადაწყვეტილებით, ავღანეთში ტერორისტული აქტის შედეგად 7 ქართველი ჯარისკაცის დაღუპვასთან დაკავშირებით, 7 ივნისი სახელმწიფოში გლოვის დღედ გამოცხადდა.
საქართველოს პრეზიდენტმა მიხეილ სააკაშვილმა სახელმწიფოსა და დაღუპულთა ოჯახებს სამძიმარი გამოუცხადა.
გლოვასთან დაკავშირებით, 7 ივნისს ქვეყანაში სახელმწიფო დროშები დაიშვა.
შეგახსენებთ, რომ 6 ივნისს ავღანეთის პროვინცია ჰელმენდში ტერორისტ-კამიკაძემ ქართულ სამხედრო კონტინგენტის ბაზაში სატვირთო მანქანაში დამონტაჟებული ბომბის აფეთქების შედეგად 7 ჯარისკაცი დაიღუპა, 9 კი დაშავებულია.