მიმდინარე წლის იანვარი-მაისის თვეებში საქართველოში ჩამოსულების რაოდენობა 1 698 146-ს შეადგენს, ეს კი წინა წლის შესაბამისი პერიოდის მაჩვენებელს 31 პროცენტით აღემატება. აქედან 625 257 ტურისტია, ეს კი 26,2 პროცენტით მეტია.

2012 წლის მაისის თვესთან შედარებით, ამ წლის მაისის თვეში საქართველოში ვიზიტით ჩამოსულების რაოდენობა 25,3 პროცენტით გაიზარდა. საერთო ჯამში ამ თვეში ქვეყანას 406 552 ადამიანი ეწვია.

მაისში ჩამოსულებიდან თურქეთიდან (1 პროცენტით მეტი) დომინირებს. მომდევნო ადგილებს აზერბაიჯანი (11,2%), სომხეთი (61,5%), რუსეთი (76,3%), უკრაინა (123%) და ირანი (7,4%) იკავებენ.

გარდა ამისა, ევროკავშირის ქვეყნებთან დაკავშირებით გარკვეული ზრდის ტემპი შენარჩუნებულია. ზრდის თვალსაზრისით მაისში ამ ქვეყნებიდან პოლონეთი (83%), ცენტრალური აზიის ქვეყნებიდან უზბეკეთი და ყაზახეთი (41 და 38%), აღმოსავლეთ ევროპიდან კი ბელარუსი (50%) გამოირჩევიან.