უკვე თითქმის ორი თვეა, სომხეთის მიერ მძევლად აყვანილ ალახვერდი ფალანგოვს მის ვაჟთან ერევანში შეხვედრის ნება დართეს. ქანან ფალანგოვს საქართველო-სომხეთის საზღვარზე სპეციალური კონვოი დახვდა და ერევანში წაიყვანა. იმის გამო, რომ ქანან ფალანგოვი საქართველოს მოქალაქეა, სომხეთის მესაზღვრეებთან მას არანაირი პრობლემა არ ჰქონია.
დაკარგულის შვილი, ქანან ფალანგოვი: "შევხვდით, საჭმელი გადავეცით, კარგადაა. მისი საჭმელ-სასმელი, საცხოვრებელი ადგილი ნორმალურია. მკითხეს, სად მიდიხარო, მეც ვუპასუხე, მამაჩემი აიყვანეს და მისთვის საჭმელი მიმაქვს-მეთქი. ჩვენ იქ გიორგი ვანიანი დაგვხვდა, რაც საჭიროა, მამაჩემის ადვოკატის ვინაობა გაიგო, მას შევხვდით და ვესაუბრეთ. 10-15 დღეში სასამართლო გაიმართება და ან დააპატიმრებენ, ან ჯარიმით შემოიფარგლებიან".