საქართველოს თავდაცვის სამინისტროს ავღანეთში სამშვიდობო ოპერაციებში მონაწილე 21-ე ბატალიონის წევრები გამგზავრებამდე თბილისის მეჩეთში ისლამურ რელიგიას გაეცნენ.
სამხედროებთან ერთად მეჩეთს საქართველოს თავდაცვის მინისტრი ირაკლი ალასანია და ამ ორგანიზაციის პასუხისმგებელი თანამშრომლებიც მოვიდნენ.
ირაკლი ალასანიამ განაცხადა, რომ ავღანელებთან ურთიერთობის დასამყარებლად რელიგიის და ადათ-წესების ცოდნა აუცილებელია.
სამხედრომ ზაზა არაბულმა განაცხადა, რომ დარწმუნებულია, ისლამური რელიგიის შესახებ სამხედროების მიღებული ინფორმაცია ადგილობრივ მოსახლეობასთან ურთიერთობის დამყარებაში დაეხმარებათ.
21-ე ბატალიონში ქრისტიანებთან ერთად მუსულმანი სამხედროებიც მსახურობენ.