”ქართული ოცნება” – 50 %, ”ნაციონალური მოძრაობა” – 12%

”ქართული ოცნების” რეიტინგი 50%-ია, ”ნაციონალური მოძრაობის” – 12%, - ამის შესახებ მიუთითებს NDI-ს დაკვეთით ჩატარებული სოციოლოგიური კვლევის შედეგები.

კვლევის თანახმად, რეიტინგში მესამე ადგილს ნინო ბურჯანაძის ”დემოკრატიული მოძრაობა - ერთიანი საქართველო”  4%-ით იკავებს. ”ლეიბორისტული პარტიას”  3%, ხოლო ”ქრისტიან-დემოკრატიული მოძრაობას” 2% უჭერს მხარს.

კვლევის დროს დასმულ კითხვას - რომელი პოლიტიკური პარტია დგას თქვენს შეხედულებებთან ყველაზე ახლოს? გამოკითხულთა 16% პასუხობს, რომ არც ერთი პარტია; 4% - უარი პასუხზე; 6% - არ ვიცი; 2% სხვა.

NDI-ის კვლევა 18 აგვისტოდან 3 სექტემბრის პერიოდის განმავლობაში ჩატარდა, რომლის ფარგლებშიც საქართველოს მასშტაბით 3 838 რესპონდენტი პირდაპირი ინტერვიუს წარმომადგენლობითი შერჩევის საფუძველზე გამოიკითხა.