საქართველოს საზოგადოებრივი ტელევიზიის სამეურვეო საბჭომ ტელევიზიის გენერალური დირექტორი გიორგი ბარათაშვილი თანამდებობიდან გაათავისუფლა.

რეგლამენტის თანახმად, სამეურვეო საბჭომ ახალი გენერალური დირექტორის არჩევისთვის 10 დღის განმავლობაში კონკურსი უნდა გამოაცხადოს. გენერალური დირექტორის თანამდებობა პირველ მოადგილეს თამაზ ტყემალაძეს გადაეცა.

საზოგადოებრივი ტელევიზიის სამეურვეო საბჭომ ტელევიზიის გენერალური დირექტორის გიორგი ბარათაშვილის მიმართ ბოლო 6 თვის განმავლობაში მეორედ გამოაჩინა უნდობლობა. პირველად მან სასამართლოს მიმართა და სასამართლოს გადაწყვეტილებით ის თანამდებობაზე აღადგინეს.

გიორგი ბარათაშვილმა განაცხადა, რომ სამეურვეო საბჭომ მის თაობაზე ისევ უსამართლო გადაწყვეტილება მიიღო.