არგენტინის ჩემპიონატის III ჯგუფში მოთამაშე კლუბის "ლაფერერე" თავდამსხმელი ექტორ სანაბრია თამაშის დროს გარდაიცვალა.
შემთხვევა "ხენერალ ლამადრიდთან" შეხვედრის 29-ე წუთზე მოხდა.
მიუხედავად იმისა, რომ ექიმებმა ფეხბურთელს მოედანზე პირველადი სამედიცინო დახმარება აღმოუჩინეს, საავადმყოფოში მისი სიცოცხლის გადარჩენა ვერ მოხერხდა. მატჩის მსაჯმა ერნან მასტრანხელომ არგენტინის მედიას განუცხადა, რომ ფეხბურთელს გონების დაკარგვის დროს მისი გულის შეჩერების გამომწვევ რაიმე სახის ბრძოლაში მონაწილეობა არ მიუღია. ჩემპიონატის მომდევნო ტურის ყველა თამაში ამის გამო 1-წუთიანი დუმილით დაიწყება.
აღსანიშნავია, რომ ექტორ სანაბრია ხვალ 28 წლის გახდებოდა.