Bu gün DÇ-2018-in seçmə mərhələsinin Avropa zonasında C qrupunda növbəti oyunlar keçirilib. 

Oxu.Az xəbər verir ki, VIII tur çərçivəsində Azərbaycan millisi San Marino yığması ilə qarşılaşıb. 

Görüş dogma meydanda baş tutub.

Ardıcıl dörd məğlubiyyət alan Robert Prosineçkinin yetirmələri uğurlu çıxış edib. Oyunun 20-ci dəqiqəsində Əfran İsmayılov fərqlənib. Qarşılaşmanın 25-ci dəqiqəsində Araz Abdullayev hesabı 2:0-a çatdırıb. 57-ci dəqiqədə Əfran İsmayılov millimizin 3-cü qolunu vurub. 71-ci dəqiqədə rəqib Miçel Cevoninin avtoqolu ilə komandamız 4:0 önə keçib.

Daha sonra Palazzi 74-cü dəqiqədə fərqi azaldıb. Matçın 81-ci dəqiqədə Rəşad Sadıqov komandamızı növbəti dəfə hesabda irəli çıxarıb. (5:1)