დღეს საფრანგეთის დედაქალაქ პარიზში ეჩ-2016-ის ოფიციალური ლოგოს პრეზენტაცია ჩატარდა.
ცერემონიას უეფას პრეზიდენტი მიშელ პლატინი, საფრანგეთის საფეხბურთო ფედერაციის (სსფ) პრეზიდენტი ნოელ ლე გრაე და ეჩ-2016-ის ორგანიზაციის კომიტეტის თავმჯდომარე ჟაკ ლამბერი ესწრებოდნენ.
ახალი ლოგო ანრი დელონეს თასს, საფრანგეთის დროშის ფერებს (ლურჯი, თეთრი, წითელი) და ამ ქვეყნის კულტურას ასახავს. ეს ლოგო პორტუგალიური სააგენტოს მიერ არის დამზადებული. სწორედ ამ სააგენტომ წარადგინა ეჩ-2012-ის ლოგოც.
აღსანიშნავია, რომ ეჩ-2016-ის თამაშები 10 ივნისი - 10 ივლისის თარიღებში საფრანგეთის 10 სტადიონზე ჩატარდება. ამ ტურნირზე პირველად 16 ეროვნული გუნდი მიიღებს მონაწილეობას.