საქართველოს პრემიერ-მინისტრმა ბიძინა ივანიშვილმა რამაზანის თვესთან დაკავშირებით თბილისის რეზიდენციაში ქვეყნის მუსულმანური წარმომადგენლები მიიღო.
პრემიერ-მინისტრმა განაცხადა: "ძალიან კარგად ვიცი, თუ რამდენად მნიშვნელოვანია რამაზანი თითოეული მუსულმანისთვის. ისიც ვიცი, რომ ამ თვის განმავლობაში თქვენ დიდი მონდომებით ლოცულობთ, ღარიბებს, ავადმყოფებს, მარტოხელებს ეხმარებით. მიუხედავად იმისა, რომ სხვადასხვა რწმენა გვაქვს, ჩვენ ძმები ვართ. სწორედ ეს განსხვავება არის ჩვენი ქვეყნის სიმდიდრე, უამისოდ ჩვენი ქვეყანა ვერ იარსებებდა. ჩვენ ერთი სამშობლო გვაქვს და დარწმუნებული ვარ, რომ თითოეული თქვენგანი საქართველოს კეთილდღეობას, ამაღლებას ემსახურებით".
ბიძინა ივანიშვილმა მუსულმანებს წმინდა რამაზანის თვე მიულოცა და მათ სულიერი სიმშვიდე და ბედნიერება, მშვიდობა უსურვა.