ცნობილი ჟურნალისტი ნიჯათ დაღლარი ისევ საქართველოში გადაიყვანეს.
ამის შესახებ ჟურნალისტის მეუღლემ ულვია ჰუსეინოვამ განაცხადა. მისი თქმით, დაღლარი საქართველოში რიგით მკურნალობის კურსს ჩაიტარებს: "გასულ კვირას ნიჯათმა ლეიკოზის დაავადების საწინააღმდეგო სპეციალური პირველი მედიკამენტი მიიღო. ახლა კი მეორე მედიკამენტს მიიღებს. ღმერთის წყალობით, 20 ივლისს ბაქოში დავბრუნდებით. იქიდან კი ნიჯათს გერმანიაში წავიყვანთ".
აღსანიშნავია, რომ ვებ-გვერდ "telegraf.az"-ის რედაქტორი ნიჯათ დაღლარი ლეიკოზით არის დაავადებული. ორი შვილის მამის, ნიჯათის მკურნალობა გერმანიის ერთ-ერთ კლინიკაში ჩატარდება. პრეზიდენტის დავალებით, დაღლარის ყველა ხარჯს ხელისუფლება დაფარავს.