აზერბაიჯანისა და საქართველოს საზღვარზე შეიარაღებული ინციდენტი მოხდა.
შემთხვევა დღეს 16:00 საათის ფარგლებში ბალაქენის რაიონის სოფელ იტიტალაში მოხდა.
რაიონის სოფელ თულუს მცხოვრებლები, ვუგარ ალიარ-ოღლი გურბანოვი და მისი ძმა შაჰინ გურბანოვი ტყვიის ჭრილობით ბალაქენის ცენტრალურ რაიონულ საავადმყოფოში მიიყვანეს.
ექიმების ძალისხმევის მიუხედავად, ვ. გურბანოვის გადარჩენა ვერ მოხერხდა. შ. გურბანოვის მდგომარეობა კი ისევ მძიმედ რჩება.
საავადმყოფოში განაცხადეს, რომ შემთხვევა საზღვარზე მოხდა: "დაზარალებულთა ოჯახის წევრების თქმით, ძმები ქართველმა დახვრიტა".