თურქეთის ქალაქ სტამბულში მსოფლიო სტომატოლოგთა 101-ე კონგრესის გახსნის ცერემონია ჩატარდა.
კონგრესში აზერბაიჯანის სტომატოლოგთა ასოციაციის პრეზიდენტი, პროფესორ რენა ალიევას თავმჯდომარეობით აზერბაიჯანელების სტომატოლოგთა დელეგაციაც მონაწილეობს.
ღონისძიებაზე ევროპის და ამერიკის კონტინენტის 113 ქვეყნიდან 7 ათასი კბილის ექიმის 1300 სამეცნიერო სამუშაო წარდგინდება.
გახსნის ცერემონიაზე თურქეთის სტომატოლოგთა კავშირის პრეზიდენტი თანელ იუჯელი, მსოფლიოს სტომატოლოგთა კავშირის პრეზიდენტი ორლანდო მონტეირო და სილვა, თურქეთის ჯანდაცვის მინისტრი მეჰმეთ მუეზინოღლუ სიტყვით გამოვიდნენ და 4-დღიანი კონგრესის საქმიანობას წარმატება უსურვეს.
აღინიშნება, რომ კონგრესი წელს ევროპაში ჩატარებული უდიდესი ღონისძიებაა. კონგრესის ფარგლებში 71 კონფერენცია, 7 საპანელო სხდომა, 29 კურსი, 16 ექსპერტთა შეხვედრა ჩატარდება. ცნობილია, რომ ღონისძიების ფარგლებში მსოფლიო პირის და კბილის ჯანმრთელობის ფორუმი, მსოფლიო ქალი სტომატოლოგთა ფორუმი, III მეზობელი ქვეყნების სტომატოლოგების კავშირის თანამშრომლობის პლატფორმა და 300 უცხოური კომპანიის სტომატოლოგიის გამოფენა ჩატარდება. გარდა ამისა, სტომატოლოგიის სფეროში უახლესი ტექნოლოგიები და სამეცნიერო სიახლეები განიხილება.
კონგრესის დასასრულს პირის და კბილის ჯანმრთელობასა და საერთო ჯანმრთელობას შორის კავშირის მნიშვნელობის შესახებ სტამბულის დეკლარაცია იქნება მიღებული.