ინტერპოლის მიერ ძებნილად გამოცხადებული აზერბაიჯანის მოქალაქე, 1986 წელს დაბადებული ჯავიდ მაჰარამოვი და თურქეთის მოქალაქე 1975 წელს დაბადებული მუსტაფა აიაზი თურქეთ-საქართველოს საზღვრის სარფის საკონტროლო-გამშვებ პუნქტთან დააკავეს.
საქართველოს შინაგან საქმეთა სამინისტროს ინფორმაციით, თურქეთის მოქალაქე გერმანიის, აზერბაიჯანის მოქალაქე კი აზერბაიჯანის თხოვნით ინტერპოლის მიერ იძებნებოდნენ.
ამჟამად ორივე პირის ექსტრადიციასთან დაკავშირებით მიმდინარეობს მოლაპარაკებები.