კოლუმბიელმა ასტრონომებმა მარსის და იუპიტერის ორბიტებს შორის კომეტების "სასაფლაო" აღმოაჩინეს.
რუსეთის პრესის ინფორმაციით, იმ ადგილას "კუდიანების" ნარჩენები დროთა განმავლობაში ცოცხლდება და ისევ კომეტად გადაიქცევა. ინფორმაცია ჟურნალმა "Monthly Notices of the Royal Astronomical Society" გამოაქვეყნა.
"ჩვენ კომეტის სასაფლაო აღმოვაჩინეთ. წარმოიდგინეთ - ყველა ეს ასტეროიდი მზის გარშემო ბრუნავს და უკვე მილიონი წელია არანაირ აქტიურობას არ იჩენენ. ჩვენ ისიც აღმოვაჩინეთ, რომ ზოგიერთი მათგანი მკვდარი არ არის, უბრალოდ "სძინავთ", არანაირ აქტიურობას არ იჩენენ. თუ მზის ენერგია, რომელიც მათ დაეცემა, რამდენიმე პროცენტით გაიზრდება, ისინი გაიღვიძებენ", - განაცხადა ანტიოკიას პროვინციის ქალაქ მედელინის უნივერსიტეტის თანამშრომელმა იგნასიო ფერინმა.