საქართველოს ნავთობპროდუქტების იმპორტიორთა კავშირის ინფორმაციით, ივნისში ქვეყნაში ყველაზე მეტი დიზელი აზერბაიჯანიდან შემოსულა. შემდეგ ადგილებს შესაბამისად რუსეთი, რუმინეთი და ბულგარეთი იკავებენ.
ინფორმაციაში აღინიშნება, რომ ივნისში საქართველოში 58.2 ათასი ტონა ნავთობპროდუქტი იმპორტირდა და ეს მაისის მაჩვენებელთან შედარებით 15.7 ათასი ტონით ნაკლებია.
2013 წლის ექვსი თვის განმავლობაში კი ქვეყანაში 354 ათასი ტონა ნავთობპროდუქტი შემოვიდა, ეს კი წინა წლის ამავე პერიოდთან შედარებით 24.3 ათასი ტონით ნაკლებია.