მეჩეთ ქუფეს კედელი დაიბზარა
ისლამურ სამყაროში ოთხი უდიდესი მეჩეთიდან ერთ-ერთი ქუფეს მეჩეთის კედელი დაიბზარა. ერაყის ქალაქ ქუფეში მდებარე ამავე სახელის მქონე მეჩეთის კედლის დაბზარვისას ირგვლივ საშინელი ხმაც გავრცელდა.
აღსანიშნავია, რომ ეს მეჩეთი ქალაქ ნეჯეფიდან 12 კილომეტრით ჩრდილოეთით მდებარეობს. მეჩეთი, რომელიც 40 ათას ადამიანს იტევს, მსოფლიოს ერთ-ერთი უძველესი მეჩეთია. რელიგიურ წყაროებში ქუფეს მეჩეთის კედლის დაზიანება მსოფლიოს აღსასრულის დადგომის ერთ-ერთ ნიშნად სახელდება: "იმამ სადიკმა ბრძანა, რომ როცა ქუფეს მეჩეთის კედელი დაზიანდება, ამ ხალხის მმართველობის დასასრული დადგება და ჩვენი წინასწარმეტყველი აღსდგება".
სწორედ ამიტომ ამ მეჩეთის კედლის დაბზარებამ მუსულმანებზე დიდი გავლენა მოახდინა.