მომღერალმა "ფეისბუქის" გვერდზე ფანებს დაემშვიდობა.
მრეწველობისა და ენერგეტიკის მინისტრის ნათიგ ალიევის ვაჟის ფერჰად ალიევთან ოჯახის შექმნის შემდეგ მომღერალმა საფურა ალიევამ ხელოვნებას დაემშვიდობა. ამის შესახებ ინფორმაცია აზერბაიჯანის წარმომადგენელმა "ევროვიზიაზე" თავის ფეისბუქის გვერდზე გაავრცელა:
"საღამო მშვიდობისა, ჩემო ძვირფასო ფანებო, მეგობრებო. როგორ ხართ? ყველანი ძალიან მომენატრეთ. ჩემს საქმეებს მოვრჩი. თუმცა მე ყოველთვის თქვენთან ვიქნები. ყველანი მიყვარხართ".
აღსანიშნავია, რომ საფურა ალიევას ქორწილი 5 ივლისს ბოდრუმში გაიმართა. ეს ფერჰად ალიევის მეორე ქორწინებაა.
იმასაც შეგახსენებთ, რომ აისელ თეიმურზადემ, რომელმაც "ევროვიზია-2009"-ზე მესამე ადგილი მოიპოვა, სახელმწიფო ფილარმონიის დირექტორთან, პიანისტ მურად ადიგოზელოვთან ოჯახის შექმნის შემდეგ სცენას დაშორდა.