1 ივლისს ინტერნეტ-ტელევიზია Visiontv.az-ი ამუშავდა.
ტელევიზიის დამფუძნებელმა და პრეზიდენტმა ელვინ აბასოვმა საიტ "მედია ფორუმს" განუცხადა, რომ Visiontv.az-ში 5 დეპარტამენტი იმუშავებს: "ტელევიზიაში 30-მდე თანამშრომელი მუშაობს.
აღმასრულებელი დირექტორი და მთავარი დირექტორი შოჰრეთ ელდენიზი, მთავარი კონსულტანტი ჯაფარ დალი, მთავარი რეჟისორი ნათიგ ახუნდოვი, ახალი ამბების დეპარტამენტის დირექტორი ზოჰრაბ იბრაჰიმოვი, საავტორო გადაცემების დირექტორი ნიჯათ ალიბეილი, სარეკლამო დეპარტამენტის დირექტორი რაჯი გულიევი, მთავარი ოპერატორი მირთოფიქ მირალიოღლუა".
ელვინ აბასოვმა განაცხადა, რომ ინტერნეტ-ტელევიზია Visiontv.az რეკლამებიდან შემოსული თანხით, გადაცემების სპონსორების მეშვეობით ფინანსდება: "ჩვენ გვსურს, რომ ვიყოთ ობიექტური, დამოუკიდებელი ტელევიზია. Visiontv.az-მა გახსნამდე ბევრი მაყურებელი იპოვა. ამჟამად ჩვენს საიტზე ყოველდღიურად 1000-ზე მეტი ადამიანი შემოდის".
ელვინ აბასოვმა აღნიშნა, რომ ეთერში 10-მდე გადაცემა გავიდა: "გეოპოლიტიკა", "პოზიცია", "ნავთობის ნაკადი", "ერები", "შოუ" და სხვა ყოველკვირეული გადაცემები გადის ეთერში. გადაცემა "ახალი ამბები" ყოველდღიურად 17-სა და 22 საათზე გავა ეთერში.
ამჟამად რუსეთში, თურქეთში, ჩრდილოეთ კვიპროსში, გერმანიაში ოფიციალური წარმომადგენლები იქმნება. ამავე ქვეყნებში ჩვენთვის ოფისსა და თანამშრომლებს ირჩევენ. შესაძლოა, სხვა ქვეყნების ტელევიზიებთანაც ვითანამშრომლოთ. რაიონებში მომუშავე ჟურნალისტებთანაც ვთანამშრომლობთ. რეგიონებში მომხდარ მოვლენებზე მასალებს ამზადებენ და გვიგზავნიან".