დღეს, მუსლიმები ყურბან-ბაირამს აღნიშნავენ. რუსეთში, ძირითადი ღონისძიება მოსკოვში იმართება, მეტრო სადგურ "პროსპექტ მირასთან" მდებარე მეჩეთთან. მეჩეთთან მიმდებარე ზოგიერთი ქუჩა გადაკეტილია.

ყურბან-ბაირამის დღესასწაულს მოსკოვში, დაახლოებით, 150 000 ადამიანი ესწრება. მომლოცველებს პოლიციის ნაწილები იცავენ, განსაკუთრებით მას შემდეგ, რაც მიკრორაიონ ბირულიოვოში აზერბაიჯანის მოქალაქემ რუსი ახალგაზრდა მოკლა. მკვლელობამ დიდი არეულობა გამოიწვია, ნაციონალისტებმა და აქტივისტებმა დაარბიეს ხილ-ბოსტნეულის ბაზა, აზერბაიჯანული რესტორანი და ა.შ.