Soçi-Tbilisi birbaşa aviareyslər həyata keçiriləcək
Rusiyanın “Ural hava yolları” aviaşirkəti mayın 1-dən etibarən Soçi-Tbilisi marşrutu üzrə birbaşa mütəmadi reyslər həyata keçirməyə başlayacaq.
Dalga tv Xeber.ge-yə istinadla xəbər verir ki, Gürcüstanın İqtisadiyyat Nazirliyinin Mülki Aviasiya Agentliyi şirkətə göstərilən marşrut üzrə uçuşlara aprelin 10-da icazə verib.
Uçuşlar həftədə iki dəfə - bazar ertəsi və cümə günləri 160 sərnişin tutumu olan Airbus A320 təyyarlərində yerinə yetiriləcək. Soçi beynəlxalq hava limanından uçuş yerli vaxtla 14:55-də planlaşdırılıb.
Aviaşirkətin məlumatına əsasən, Soçi-Tbilisi-Soçi istiqaməti üzrə biletin minimal qiyməti rüsumlar daxil olmaqla 12 950 rubl (təxminən 230 dollar) təşkil edəcək.