ბაქო-თბილისი-ყარსის რკინიგზა ექსპლუატაციაში 2014 წლის ბოლოს მიეცემა.

ეს "აზერბაიჯანის რკინიგზის" დსს-ს თავმჯდომარის მოადგილემ ყურბან ნაზიროვმა განაცხადა.

აღსანიშნავია, რომ აქამდე ცნობილი იყო, რომ რკინიგზის ექპლუატაციის დაწყება 2014 წლის დასაწყისში იგეგმებოდა. ნაზიროვის თქმით, ეს შეფერხება საქართველოს ტერიტორიაზე სამშენებლო სამუშაოებთან და ადმინისტრაციულ მიზეზებთანაა დაკავშირებული. მშენებლობის მიზეზებად გვირაბის მშენებლობა, ადმინისტრაციულ მიზეზებად კი რკინიგზის მშენებლობასთან დაკავშირებით მიწის ყიდვა-გაყიდვაში შექმნილი პრობლემები აღინიშნება.

ნაზიროვმა განაცხადა, რომ მიწის შესყიდვის საკანონმდებლო აქტი საქართველოს პარლამენტის მიერ უნდა იყოს მიღებული, ეს პროცესი ჯერ არ არის დასრულებული.